(«Մյունհաուզենի արկածները» գրքից)
Բայց դուք մի կարծեք, խնդրեմ, որ ես միայն անտառներում ու դաշտերում եմ
ճանապարհորդել: Ոչ, ես շատ անգամ լողացել եմ նաև ծովերի ու օվկիանոսների վրայով, և ինձ հետ այնպիսի արկածներ են պատահել, որ ոչ ոքի հետ չեն պատահել:
Մի անգամ մի մեծ նավով Հնդկաստան էինք գնում: Եղանակը հրաշալի էր: Բայց երբ մի ինչ-որ կղզու մոտ խարիսխ գցեցինք, ուժեղ փոթորիկ բարձրացավ:
Փոթորիկն այնքան ուժեղ էր, որ կղզուց մի քանի հազար (այո, մի քանի հազար) ծառ պոկեց և ուղիղ դեպի ամպերը վեր հանեց: Հարյուրավոր փութ կշռող հսկա ծառերն այնքան էին բարձրացել, որ գետնից նայելիս բմբլի չափ էին թվում:
Բայց հենց որ փոթորիկը վերջացավ, իսկույն արմատներ գցեց այնպես, որ կղզու վրա փոթորկից ոչ մի հետք չմնաց:
Զարմանալի ծառեր են, այդպես չէ՞:
Ասենք, մի ծառ բոլորովին չվերադարձավ:
Բանը նրանումն է, որ, երբ այդ ծառը վեր թռավ, նրա ճյուղերի վրա գտնվում էր մի չքավոր գյուղացի իր կնոջ հետ: Ինչո՞ւ էին նրանք ծառը բարձրացել: Շատ պարզ՝ որ վարունգ քաղեն, որովհետև այդ երկրում վարունգը ծառի վրա է աճում:
Այդ կղզու բնակիչները ամեն բանից շատ վարունգն են սիրում և ուրիշ ոչինչ չեն ուտում.
վարունգը նրանց միակ կերակուրն է:
Խեղճ գյուղացիները, փոթորկից բռնված, ստիպված էին ամպերի տակ օդային
ճանապարհորդություն կատարել:
Երբ փոթորիկը հանդարտեց, ծառն սկսեց վար իջնել: Գյուղացին և գեղջկուհին շատ հաստ էին, նրանք իրենց ծանրությամբ ծառը ծռեցին և ընկան ոչ թե այնտեղ, ուր առաջ աճում էր, այլ ուրիշ տեղ՝ այդ երկրի թագավորի վրա և, բարեբախտաբար, ինչպես մժեղի, տրորեց նրան:
– Բարեբախտաբար, – կհարցնեք դուք: Ինչո՞ւ բարեբախտաբար: Որովհետև այդ թագավորը շատ խիստ մարդ էր և կղզու ժողովրդին գազանի պես տանջում էր:
Ժողովուրդը շատ ուրախացավ, որ իրենց տանջողը ոչնչացավ, և նրա թագն ինձ
առաջարկեց:
– Խնդրում ենք, բարի Մյունխհաուզեն, մեր թագավորը եղիր:
Դու այնքա՜ն իմաստուն ես, այնքա՜ն համարձակ:
Բայց ես կտրականապես մերժեցի, որովհետև վարունգ չեմ սիրում:
Հարցեր և առաջադրանքներ
1. Դուրս գրի՛ր անծանոթ բառերն ու օնլայն բառարանի օգնությամբ բացատրի՛ր։
2. Առանձնացրո՛ւ ամենաուրախ և ամենատխուր հատվածները:
Ժողովուրդը շատ ուրախացավ, որ իրենց տանջողը ոչնչացավ, և նրա թագն ինձ առաջարկեց:
Խեղճ գյուղացիները, փոթորկից բռնված, ստիպված էին ամպերի տակ օդային
ճանապարհորդություն կատարել:
3. Տրված համառոտ նախադասությունները ընդարձակի՛ր:
Եղանակը հրաշալի էր: Մի ամառային օր եղանակը հրաշալի էր, ինչպես հեքիաթում։
Փոթորիկ բարձրացավ: Այսօր առավոտյան մի հսկայական փոթորիկ բարձրացավ։
Ժողովուրդը ուրախացավ: Տանջված ժողովուրդը շատ ուրախացավ թագավորի մահից։
4. Դուրս գրի՛ր հոգնակի բառեր և դարձրո՛ւ եզակի:
Օրինակ՝ անտառներ-անտառ
Մժեղ – մժեղներ
Փոթորիկ – փոթորիկներ
Վարունգ – վարունգներ
Նավ – նավեր
Թագավոր – թագավորներ
5. Տեքստից դուրս գրի՛ր համապատասխան բառեր և լրացրո՛ւ աղյուսակը:
Ինչպիսի՞ | Ի՞նչ | Ի՞նչ է անում |
հարյուրավոր | վարունգ | Ուրախանում |
բարեբախտաբար | ծառ | Մերժում |
շատ | կղզի | Ուտում |
իմաստուն | մժեղ | Գցում |
համարձակ | փոթորիկ | խնդրում |
6. Տրված վերնագրերից մեկն ընտրի՛ր ու հեքիաթ հորինի՛ր: Paint-ով
համապատասխան նկար նկարի՛ր և հրապարակի՛ր բլոգում:
«Ծիծաղի փոթորիկը», «Թռչող կղզին», «Ելակի ծառերի անտառում»
Ծիծաղի փոթորիկը
Մոնթե Մարգարյան
Մի անգամ ես արթնացա և լուսամուտից մեծ դեղին փոթորիկ տեսա։ Հանկարծ փոթորիկը ինձ իր մեջ քաշեց և ես սկսեցի ծիծաղել։ Մի քանի օր ես ծիծաղում էի այդ փոթորիկի մեջ և մի օր նա ավառտվեց։ Ես ընկա իմ դպրոցում և ծիծաղս ավարտվեց։
![](https://montemargaryan.edublogs.org/files/2023/05/Untitled-1-1024x380.png)